Já það er nóg að gera hjá manni þessa dagana. Skólinn byrjaður á fullu og kennar strax byrjaðir að hræða okkur með umræður um próf, ritgerðir og fleira skemmtilegt, ég er ekki alveg að fíla þetta en svona er skólinn og þýðir ekkert skæl, bara skella sér í þetta og brillera, ekki smurning.

Svo er vinnan, vinir, fjölskyldur og fleira sem maður þarf að skipta tímanum á milli. Held ég sé að verða snilli í að skipuleggja tímann í annað en að vera heima hjá mér. Það er annars ekkert gaman að vera heima, iðnaðarmenn enn að fullum störfum úti og þar af leiðandi alltaf steypusalli allstaðar inni og ekkert gaman að vera í skítnum því ég nenni ekki að þrífa á hverjum degi. Var samt heima að læra um daginn og brá all hressilega þegar ég leit upp og stóðu 3 gauar að ræða málin beint fyrir utan gluggan hjá mér, og þá er eg að tala um að ef það væri ekki rúða þá hefði ég ekki þurft að teygja mig til að snerta þá. Brá soldið að sjá þá svona nálægt, bjóst við að þeir væru að vinna en ekki á snattinu fyrir utan stofugluggan hjá mer hehehehehe. En þeir eiga nú að fara að verða búnir bráðum (eiga samt eftir að laga pallhurðina hjá okkur) þannig að þetta fer að lagast og þá fer ég að nenna að vera heima og skelli kannski í köku ef fólk hefur áhuga á að kikja til manns í kaffi (sem ég á ekki en býð upp á safa, vatn og mjólk ef þið eruð stillt )

En við Egill erum annars á leið norður um næstu helgi í göngur, erum búin að lofa að vera hvorki með matareitrun né slasa okkur. Þá verður kannski eitthvað gagn af okkur, annað en síðast úff púff.

Annars er lífið bara að ganga sinn vanagang. Ekkert stórkostlegt í fréttum svosem bara þetta vanalega En það er bara eins og maðurinn sagði, engar fréttir eru betri en slæmar fréttir

en aftur í bækurnar
Ljóskan

Við Egill erum loksins flutt í íbúðina í Fossvoginum nú er bara að vona að kallinn selji hana ekki á næstunni þannig að við getum kannski búið á sama stað lengur en í ár. En það er eitthvað sem ég hef ekki gert síðan ég flutti frá M&H vorið 2007.

Erum að fara að bruna á Selfoss að ná í ísskápinn okkar í kvöld eftir vinnu hjá mér og erum að vinna í því að koma okkur fyrir. Gerum þetta í rólegheitum með vinnu og skólaundirbúning (kaupa bækur og svona).

Fórum á fjölskylduhitting í byrjun mánaðarins og var rosagaman vorum mjög fegin að við ákváðum að mæta á laugardegi í stað föstudags... við hefðum annars druknað

Annars er ekki mikið í fréttum, erum bæði að byrja í skólanum á mánudaginn næsta og ætlum að læra af okkur rassgatið Erum ekkert alltof sátt með stundartöflurnar okkar, sérstaklega Egill þar sem það skarast nokkrir tímar hjá honum.

ekki var það fleira í bili
kveðja
ljóskan

Þar sem það er að verða mánuður síðan ég bloggaði síðast ákvað ég að það væri kominn tími á nýtt blogg.

Margt og mikið hefur nú átt sér stað síðan síðast en flest miður skemmtilegt.

Byrjaði á að ég fékk bréf frá FS um að ég hafi ekki skilað nógu mörgum einginum til að halda íbúðinni ( vantaði eitt fag upp á) og eftir mikið bras og vesen þá var niðurstaðan sú að ég þarf að vera búin að taka mitt hafurtask og vera flutt fyrir 13. ágúst. Þar sem Egill sér sjálfur fram á að flytja til foreldra sinna í haust þá fórum við að leita okkur að íbúð til að leigja í haust. Fundum eina alveg brilliant í Fossvoginum, handsöluðum þetta við eigandann og vorum bara kát. Þetta var á föstudegi, á mánudegi hringdi kallinn og sagði að svolítið hafi komið upp á innan fjölskyldunnar og að hann geti ekki leigt okkur íbúðina. Ohh well hugsuðum við og vorum viss um að finna eitthvað bráðlega, síðan er liðin vika og allt sem er á viðráðanlegu verði og er ekki algjör hola er annað hvort á Kjalarnesi eða Keili eða í álika vegalengdum. Þannig að við erum bara að skoða og leita og skoða smá meira.
Þannig að ef einhver veit um íbúð sem er 35 + fermetrar og ekki á meira en 80 þús (með hita og rafmagni) og sem hægt er að fá húsaleigubætur (nema leigan sé undir 60 þús, þá þarf ekki endilega húsaleigubætur) þá endilega láta mig vita. Þarf ekkert endilega að losna fyrr en í haust, fáum bæði að gista á sófanum hjá foreldrum Egils þar til við finnum íbúð

Þannig er nú það allt saman. Svo er ég bara að vinna á fullu og reyna að spara mer smá pening.

Fjölskylduferð í ágúst sem ég hlakka mikið til Allir afkomendur afa og ömmu (og þau auðvitað líka ) ætla að skella sér í útilegu og hafa glaðan dag verður það rosa gaman verður líka fyrsta helgin sem ég er í fríi báða dagana í heilan mánuð

Jæja læt þetta duga í bili. Langaði bara að deila því með ykkur að ég væri að fara að flyta einu sinni enn

bless í bili
Ljóskan

og það bara er ekkert að gerast í lífi mínu, allavega ekkert stórvægilegt.

Egill kom í bæinn um síðustu helgi og var rosa gott að hitta hann var búin að sakna hans hellings helling.
Fór í sumargleði hjá vinnunni þá helgi og tók þátt i ratleik þar sem var voða gaman og var fólk misgáfulegt og lagaðist það ekkert eftir því sem að leið á kvöldið og blóðmagnið í áfenginu minnkaði
Er svo bara búin að vera að vinna og vinna smá meira síðan þá. Fékk reyndar frí á miðvikudaginn svona í tilefni dagsins og bauð eg nokkrum vel völdum vinum í vöfflur og röllti svo með þeim sem þanngað fóru niður í bæ. Rosa gaman að vera niðri í bæ að degi til á 17. júni, hef alltaf bara verið á kvöldin í þau skipti sem eg hef farið niður í bæ yfirhöfuð. Fékk svo litlu í afganga af vöfflum þá um kvöldið

Og þá eruð þið búin að fá að vita hvað eg er búin að vera að gera síðan ég bloggaði síðast, í hnotskurn, vinna, hitta Egil, halda upp á þjóðhátiðardaginn og fara í ratleik. Er reyndar búin að fara einu sinni í mat í Geitlandið og hitta smá fólk á kvöldin en það er bara chill yfir mat eða spjall bara

Svo er ég bara að fara að vinna kl 1 á eftir og fer svo beint eftir vinnu í Grafó að knúsa litlu skotturnar og töffarann kannski mar skelli einu á foreldrana ef þau eru stillt

fleira var það ekki í bili
Ljóskan

P.S. funduð þið fyrir jarðskálftunum á föstudaginn??? því ekki tók ég neitt eftir þeim

Svolítið langt síðan síðast verð ég að segja en ég hef bara verið busy as hell. Lof mér að útskýra með smá punktabloggi.

Það sem ég hef verið að gera síðan ég bloggaði síðast (í tímaröð):
Tók 4 próf
Flutti í nýja íbúð (takk allir sem hjálpuðu) og er ofsa sátt þar
Fór heim í sveitina í sauðburð í 5 daga.
Byrjaði í fulltime job og er búin að vera að vinna af mér rassgatið
Hjálpaði Agli að gera allt ready fyrir 3 mánaðadvöl austur á fjörðum (vinnur nú í álverinu á Reyðó)
Vinna frá mér allt vit
Detta nokkrum sinnum í það (mjög nauðsynlegt, og ekki endilega í réttri tímaröð )

Og annað í fréttum er að eg er komin inn í Félagsfræðina í haust Vúhú voða glöð með það jeyj

Okey hætt með broskallana í bili.

Vaknaði korter yfir eldsnemma í morgun af óskiljanlegum ástæðum. Og þar sem eg vaknaði svona snemma þá var eg búin að þvo þvott, þvo upp og þvo gólf og hillur og baðherbergið lika fyrir kl 1 í morgun. Ofsa dugleg ég. Held aftur á móti að nágrannarnir hafi ekki verið eins hrifnir af dugnaðinum þar sem ég hlustaði á tónlist á hæsta styrk á meðan herleg heitin fóru fram hehehe.

Fór til Mörtu sys í gær í fyrsta sinn í langan tíma (já eg veit skamm ég) og vá hvað allir voru orðnir stórir (þá meina eg börnin) og sérstaklega hann guðsonur minn. Ofsa duglegur að halda haus og var bara hinn kátasti með alla athyglina sem hann fékk frá guðmóður sinni.
Ætla að stefna í það að fara oft oft í heimsókn í sumar og spilla honum

Halli fékk litla maurinn í hendurnar og ætlar að fiffa hann til svo hann komist í gegnum skoðun Fær hann vegleg laun fyrir, enda ekki annað í stöðunni en að launa kallinn fyrir erfiðið

hmm veit ekki hvort það er annað í fréttum, allavega ekkert sem ég man eftir.

kveðja
ljóskan

Já ætli maður verði ekki að blogga aðeins um þetta fyrirbæri eins og allir aðrir.

Ég var að enda við að rúlla yfir mbl.is og eins og svo oft þegar ég les þá síðu þá kíkti ég á mbl-bloggin sem lesendur höfðu gert um hinar ýmsu greinar. Það kom mér mjög á óvart að allir þeir sem höfðu bloggað við kosningafréttirnar voru Sjálfstæðismenn (eða stuðningsmenn þeirra) sem voru að reyna að telja lesendur blogganna í trú um það að Sjálfstæðismenn einir gætu bjargað Íslandi úr þessari blessuðu kreppu og það að kjósa vinstri flokk væri upphafið á endi Íslands. Ég sat og las þetta og hristi bara hausinn... hvar var þetta fólk þegar Ísland fór á hausinn? Er það kannski búið að gleyma að Sjálfstæðisflokkurinn var stór ástæða þessa að svo fór sem fór? Ja mar spyr sig.
Ekki voru athugasemdirnar við bloggin þó neitt málefnalegri... vinstri menn kvöttu bloggara að leita sér sálfræðihjálpar eða leggja sig inn á klepp og hægri menn húrruðu yfir umræddum bloggum.

Jáhá segi ég nú bara og ekki orð um það meir.

Sjálf mun ég ekki kjósa að þessu sinni. Ekki beint vegna óákveðni heldur aðallega vegna þess að ég er búsett í Reykjavík en með lögheimili fyrir norðan og hef bara ekkert kynnt mér það lið sem er í framboði þar. Auk þess varð ég hvumsa þegar mér var sagt að til að kjósa þurfti ég að fara niður í Laugardalshöll (sem er svosem ekkert tiltöku mál alltaf verið þannig) og þurfa svo að koma atkvæðinu mínu SJÁLF norður, annað hvort með því að koma því til Sýslumannsins í Reykjavík eða póstleggja það til starfsbróður hans fyrir norðan. Ég sem hélt það ætti að reyna að hvetja fólk til að kjósa ekki letja það til þess. Ekki þarf fólk sem kýs í sinni heimabyggð að standa í frekara veseni en að koma sér á kjörstað... af hverju ættu fólk eins og ég sem kem í höfuðborgina til að mennta mig að þurfa að standa í svona veseni. Nei takk sagði ég og gróf mig ofan í skólabækurnar.

Jæja ætla ekki að tjá mig meir um málið að sinni.

Ljóskan

... verið seinkað til 15. eða 17. maí og kemur það betur í ljós þegar nær dregur hvort heldur verður. Kosturinn við þetta er að ég slepp við að flytja í miðjum prófum en gallinn er að þá kemst ég ekki heim í sauðburð fyrr en 21 maí í fyrsta lagi. þarf að tæma íbúðina sem ég er í og skrúbba hana.

Annað er nú ekki í fréttum nema að páskarnir voru brilliant í alla staði og ég er ekki byrjuð á seinna páskaegginu

kv
Ljóskan

... íbúð í blokkinni við hliðina á. Er á horninu á 1. hæð og er ég alveg 1 og hálfa mínutu að labba á milli íbúðanna (frá blokkinni sem ég er í að svölunum á nýju íbúðinni)... hehe fljótlegt að flytja, sem betur fer kannski bara þar sem ég fæ afhent 4. maí sem er í miðjum prófum. Held samt að liðið á görðunum hafi vorkennt mér smá þegar ég fór að skrifa undir samninginn og dæsti fullt yfir þessari dagsetningu (upphaflega planið var að eg þyrfti að tæma mína fyrir 7. maí en þá er einmitt stærðfræðiprófið mitt) og leyfði mér að hafa helgina til að flytja og þrífa þannig að ég þarf ekki að vera farin úr þessari fyrr en morguninn 11. maí sem er fínt. Er reyndar að vinna þessa helgi en dríf flutninga bara vonandi af strax eftir prófið 7. maí og þríf svo á föstudags eða laugardagskvöldið þannig að það reddast bara

Þannig að allar lausar hendur eru vel þegnar 7. maí eftir hádegi (er búin í prófinu kl 12) og helst þar af allavega 2 pör af sterkum höndum sem geta borið húsgögnin (sófa, rúm, kommóðu, sjónvarpsskenk og sjónvarp( já eg á svona ,,mikið af húsgögnum" ) Annars ætla ég að reyna að vera búin að flytja eitthvað af kössum á kvöldin þegar ég er búin að gefast upp á að læra, nema ég verði bara þeim mun þreyttari þegar ég kem heim.

Annað í fréttum að ég er komin með ný lífsmottó og er bara nokk sátt við þau.
Aðal mottóið er að reyna að sjá björtuhliðarnar á öllu sama hvað það er. Er einnig að reyna að smita þessu á vini á vandamenn. Hitt mottóið helst svolítið í hendurnar á hinu en það er ,,Þetta reddast" því ég er búin að komast að því að óþarfa stress sendir þig beint á klepp. Ekki það að ég sé hætt að stressa mig á hlutum sem þarf að stressa sig smá á ... bara ekkert óþarfa stress. Ef það á að reddast þá reddast það annars ekki. Maðurinn er harðgerð skepna og kemst í gegnum flest ef viljinn er fyrir hendi.
Þannig að þið sjáið að spekin er að flæða úr eyrunum á mér þessa dagana hehehe

allavega þarf að læra því eg mun ekki gera neitt af því á morgun, er að fara í skírn og svona skemmtilegt.

Gleðilega páska og hafið það gott yfir hátíðarnar

páskeggjakveðja
Ljóskan

ég er semsagt komin með vinnu í sumar við að leysa af í búðinni þegar hinir rugludallarnir fara í sumarfrí. verða það svona 8 vikur sem ég fæ að vinna og held ég það sé bara fínt... þá get ég skroppið heim í fjörðinn fagra og kannski í eina útilegu eða svo... er búin að vera að stefna á útilegu siðastliðin 2 eða 3 sumur og ekki komist.

Ég er hins vegar ekki komin með íbúð ennþá. Sumar stofnanir eru bara heimskulegar og þegar ein manneskja verður veik þá er bara allt stopp. Finnst mjög liklegt að ég þurfi að flytja í miðjum prófum... jeyj eikkað til að hlakka til.

Annars er páskafríið að skella á núna næsta þriðjudag. Ekki það að mest allt fríið fer í lærdóm.. svona það sem fer ekki í veislur og annað át.

Litlu kútur fer að fá nafnið sitt bara eftir nokkra daga.. hlakka mikið til, veðja á Snæþór Logi... dreymdi það og held mig við það þanngað til annað kemur í ljós

Mamma og pabbi koma í bæinn um páskana og hlakka ég ofsa mikið til.. farið að verða soldið síðan maður sá í nefið á þeim.

Árshátíð í vinnunni á morgun og verður það örugglega mikil gleði, fín tilbreyting frá lærdóm en ég er einmitt að fara í próf á þriðjudaginn og ætti eiginlega að vera að læra undir það núna.

Og eg er farin að læra
back to the books eins og sagt er
Ljóskan

... hefur verið gerð að ég haldi þessu bloggi lifandi, ég ætla að gera þeirri mannskju til geðs og brillera á þessari síðu aðeins lengur.

Lífið er á uppleið þessa dagana. Er að bíða eftir að fá íbúð vonandi bara í blokkinni við hliðina á. Hitti vinkonu mína í Þverholtinu í hverri viku og erum við vinna í mér aðeins, hún var eitthvað að segja að hún vari nú bara bráðum að útskrifa mig
Er ekki enn komin með sumarvinnu en það fer nú vonandi að koma.                                             Er búin að skrá mig í félagsfræði í haust og hlakka ofsa mikið til.Er núna bara í 4 fögum til að ég fái námslánin í sumar svo ég geti nú kannski lifað smá ef ég skyldi ekki fá vinnu... kemur í ljós.

annað í fréttum er voða fátt... fer til mörtu að spilla krílrík reglulega (við erum með samning ég og hann) og spilli svo systrunum þegar hann er sofandi.

Brjálað að gera í skólanum og eru bara 3 kennsluvikur í próf. Ætla að læra af mér rassgatið þanngað til og massa þessi próf... ekki spurning.

Uuuu veit ekki meir hvað ég á að segja akkúrat núna... á að vera að fylgjast með í tíma en það er bara ekki að ganga.. hehe

allavegana
bæ í bili
Ljóskan

Vorum systurnar og makar að spá í því um daginn af hverju geispi smitast... ég ákvað að ganga í málið og tékkaði á vísindavefnum hvað þeir sögðu.

Ég fann tvennt sem vakti athygli mína. Annað er afhverju við geispum og svo afhverju geispi smitast. Ég ætla að henda báðum svörum hérna inn á svo njótið

Af hverju geispum við?
    ,,Spurningin um hvers vegna dýr, og þar með menn, geispa er ennþá að valda vísindamönnum erfiðleikum. Þó eru til þrjár meginkenningar um það hvers vegna við geispum.

Í fyrsta lagi er lífeðlisfræðileg skýring sem felst í því að dýr geispi til að ná meira súrefni inn í líkamann eða til að losa líkamann við koldíoxíð, sem verður til við öndun og orkumyndun í líkamanum. Samkvæmt þessari skýringu geispum við þegar syfja sækir að vegna þess að þá verði öndun hægari og því vanti líkamann súrefni og þurfi að losna við koldíoxíð.

Önnur skýring er svokölluð leiðindaskýring sem gengur út á að við geispum vegna leiðinda. Hvernig þessi skýring svarar spurningunni er erfitt að sjá nema við getum gefið okkur að það sé leiðinlegt að finna til syfju.

Í þriðja lagi er það þróunarkenningin sem segir að geispi sé til þess að sýna tennurnar. Hins vegar er erfitt að tengja það við syfju.

Geispar hafa verið rannsakaðir talsvert mikið og það merkilega er að um er að ræða blöndu ósjálfráðs viðbragðs og sjálfráðrar hreyfingar. Þannig þekkja eflaust margir hvernig geispar koma af sjálfu sér en einnig það að hægt er að halda þeim niðri ef aðstæður krefjast þess og jafnvel framkalla þá ef þörf er á.

Maður að nafni Provine hefur rannsakað geispa talsvert og telur hann sig hafa afsannað allar þessar kenningar. Við rannsóknir sínar hefur hann meðal annars kannað hvort geispar tengist öðrum athöfnum mannsins. Á grundvelli þess að geispar tengjast gjarnan því að fólk teygir úr sér hefur hann sett fram fjórðu kenninguna sem er að geispi sé í raun teygjuhreyfing fyrir andlitið."


Af hverju er geispi smitandi?
    ,,Svo er að sjá sem við séum enn fjær því að skilja hvers vegna geispi virðist smitandi, en staðreyndin er sú að meira en helmingur fólks geispar innan við fimm mínútum eftir að hafa séð einhvern annan geispa. Geispi „smitast“ þó ekki aðeins með „sjón“ heldur getur dugað að heyra í geispa eða jafnvel bara lesa eða hugsa um hann til þess að byrja sjálfur að geispa.
Það eru ekki bara mennirnir sem geispa heldur líka dýr eins og hundar, kettir og jafnvel fiskar. Ein þeirra skýringa sem komið hafa fram á því hvers vegna geispi er smitandi tengist þeirri hugmynd að þetta sé ákveðin samskiptaleið dýra til að koma á framfæri upplýsingum um breyttar aðstæður annaðhvort í umhverfinu eða hjá dýrinu sjálfu. Út frá þessari skýringu er líklegt að smitandi áhrif geispa sé hluti af samskiptum innan hóps dýra, jafnvel einhvers konar samhæfð eða samstillt hegðun. Sé þetta raunin þá er geispi hjá mönnum leifar hegðunar eða viðbragða sem hefur tapað tilgangi sínum þegar tegundin þróaðist og hefur enga sérstaka merkingu nú í dag.

Önnur skýring á því hvers vegna geispi breiðist út í hópi fólks tengist þeirri kenningu að geispi sé leið líkamans til þess að ná sér í aukið súrefni eða losa sig við uppsafnað koldíoxíð. Hugmyndin er á þá leið að þar sem stærri hópur framleiði meira af koldíoxíð þá förum við að geispa þegar við erum innan um fólk til þess að losa okkur við koldíoxíð, en komum þá jafnframt af stað einhverskonar keðjuverkun og hinir fara að geispa líka.

Rannsóknir hafa þó sýnt að aukið súrefni dregur ekki úr geispa og minni styrkur koldíoxíðs kemur heldur ekki í veg fyrir geispa. Sé það rétt gengur skýringin á smiti geispa vegna aukins styrks á koldíoxíði í umhverfinu ekki upp.

Vísindin eiga enn eftir að koma með fullnægjandi skýringu á því hvers vegna geispi er smitandi. En gaman væri að vita hversu margir lesendur geispuðu á meðan þeir lásu þetta svar."

*geisp*... þar hafið þið það.

Ljóskan geispandi

... er best þekkt á matvöru. Mygla er sveppategund sem vex á gömlum mat og er sagt að sá matur sé farinn að skemmast þegar sést til myglu á honum.
Einnig er farið að sjá til myglu æ oftar í stofum menntastofnanna landsins. Er hún þar farin að setjast á nemendurnar og þeir margir hverjir orðnir vel myglaðir. Þó er hægt að sjá mikinn mun á magni myglu eftir því hvaða fag nemendur eru í. Sum fög virðast vera ,,myglaðri" en önnur, ef svo má að orði komast.


Okey eg er hætt að grilla í ykkur... er samt án gríns að mygla hérna í skólanum... byrjaði daginn kl hálf 9 á haglýsingu, er núna í reikningshaldi og fer þaðan í stærðfræði... jeyj.

Eg hugsa og hugsa hvað ég ætla að gera í haust en kemst ekki að neinni niðurstöðu... ekki ennþá allavega... hef nokkrar vikur í viðbót að hugsa þetta aðeins.

Annars er ekki mikið að frétta... er bara í skúlen og vinna og sona. Ekki mikið fjör í mínu lífi þessa dagana. Mesta fjörið er þegar einhver gerir eikkað misheppnað sem hægt er að hlæja að.

En allavega... þarf að fara að fylgjast með.

sjáumst
Ljóskan

... var vægast sagt ævintýraleg. Fórum í bústað við stelpurnar í Chicks. Skemmtum okkur konunglega þó að vantað hafi eina aðal partýgelluna. Svo á leiðinni heim þá ákvað bíllinn að fara með okkur í óvænta lautarferð og enduðum við útí móa... vorum allar ómeiddar en þar sem bíllinn hafði affelgast á tveimur þá þurftum við að hringja í löggimann sem skutlaði okkur á Selfoss þar sem pabbi hennar litlu kom og þau fóru að kikja á bilinn. Á meðan biðum við hinar eftir að Egill kom og sótti okkur og skutlaði okkur heim. Þegar heim var komið þá komst ég að því að ég féll í endurtektinni í Stæ og verð núna að ákveða hvort ég ætli að massa þetta næsta haust og taka 7 fög ( þau 5 sem ég á að taka, stærðfræðina sem ég féll í og svo fagið sem ég var með undir 6,5 en náði samt en þarf að taka vegna einhverra reglna) eða hvort ég dragi þetta eikkað á langinn.

Annars er fátt að frétta er bara í skúlen eða heima að læra. Þann litla tíma sem ég er ekki að gera þetta þá reyni ég að vinna eða njóta tímans með vinum og vandamönnum. Hef semsagt nóg að gera.

kveðja
Ljóskan

Og ekki beint hægt að segja að hann byrji á fullu... búin að mæta einu sinni í alla tíma og bara helmingur þeirra sem voru kenndir ...hina vorum við bara send heim eftir u.þ.b. korter

Annars er bústaður á dagskrá um næstu helgi... skil Egil eftir heima og fer með Chicks stelpunum
Svo er það bara skólinn og spilla litla frænda

Það er ekki mikið að frétta... náði mér í vott af flensu og gat því ekki gert neitt nema vinna um helgina og hef af sömu ástæðu ekkert getað hitt litla frænda síðan á spítalanum... en stefni á að laga það núna í vikunni

Blogga meira þegar það er meira að frétta

Ljóskan

Það kom loksins að því að MSB átti lítinn strák í gærnótt fór í gær að sjá guttann og hann er ekkert smá sætur og með rosa mikið dökkt hár Verður ekkert smá gaman að spilla honum Til lukku MSB og HIJ

Annað í fréttum er að ég er að læra og læra fyrir endurtektina í stæ sem er á þriðjudaginn... verður gott þegar hún er búin

Egill er loksins búinn að koma nýju tölvunni í gagnið, tók nú alveg tímann sinn en var þess virði hún er brilliant

en ekki meir um það... verð að fara og læra
blogga meira seinna í vikunni

Ljóskan